Í Skógaskóla var hún svo sæt ung stelpa, drífandi og rösk. Það eru heil fimmtíu ár síðan. Í dag er hún svo falleg kona og hún er ennþá drífandi og rösk. Þakka þér svo innilega fyrir að heimsækja okkur á Sólvelli í dag Kiddý.

Ég verð að segja nokkur orð í viðbót. Kiddý á dóttur og barnabörn í Västerås og þar er hún um þessar mundir. Það var þegar hún talaði um þessa fjölskyldu sína sem ég skildi að hún var enn í dag þessi drífandi og röska kona. Svo tók hún upp símann sinn og sýndi okkur myndir af barnabörnunum sínum. Þá sáum við að hún á ung, falleg og glaðleg barnabörn sem hún gefur af tíma sínum, annast þau eftir þörfum, syngur fyrir þau og leikur við þau. Þau eiga góða ömmu þessi barnabörn.