Aftur um barnabarn
Á þessari mynd er hann Hannes Guðjón ekki orðinn viku gamall en getur það bara verið? Jú, það er svo en okkur afa og ömmu rekur í rogastans þegar við horfum á þessa mynd. Drengurinn er þarna greinilega að fylgjast með foreldrunum og það verður ekki betur séð en það sé gaman.
Og hér horfir hann nafni minn á leikfang og eins og á fyrri myndinni; það er gaman. Það mun dragast að ég, afi, fari og hitti hann en mig grunar að amma muni taka rútuna og fara einhvern næstu daga til Stokkhólms til að horfa á hann og lyfta honum aðeins upp. Trúlega mun hún líka að setjast með hann á kné sér og tala til hans. Afi kemur seinna og fær kannski að keyra honum í barnavagni meðfram sundunum í Stokkhólmi. Svo auðvitað kemur hann einhvern tíma í heimsókn á Sólvelli og þá kemur nú afi nafni til með að vilja sýna honum eitt og annað og segja honum frá afrekum sínum í sveitinni.
Rósa mamma og Hannes Guðjón að leika sér.
Og Pétur pabbi og Hannes Guðjón að bauka eitthvað í félagi.
Ég verð nú að segja að tölvutæknin gefur mikla möguleika. Við vorum fyrir fáeinum dögum að skoða myndir af barnabörnunum á Íslandi og ekki fundust á árunum sem þau fæddust möguleikar á að skoða í öðrum löndum myndir af þeim nýfæddum.
Sæll gamli vinur og til hamingju með hann nafna þinn. Hann er sérstaklega fallegt barn. Annars verð ég á fundum í Uppsala í næstu viku og verð í reiðileysi frá föstudagseftimiðdegi fram á sunnudag. Hefði gaman af að hitta einhverja vini í Svíþjóð, ykkur, Palla og Malin og Bengt. Ég hef samband þegar nær líður.
Það er alveg ótrúlegt að sjá þetta fallega barn ekki eldri en hann er og nafnið fallegt á honum
Gangi þér vel Guðjón minn í aðgerðinni, þú verður farin að hlaupa um allt í Sólvallarskóginum áður en þú veist af.
kv Auja
Sæll þú líka gamli vinur. Ég fer á sjúkrahús á morgun, 23. sept og kem heim mánudag 28. eða þriðjudag 29. sept. Láttu hiklaust heyra frá þér. Þakka þér svo fyrir hamingjuóskirnar.
Kveðja,
Guðjón
Þakka þér góðar óskir Auður mín, bæði varðandi barnabarnið og batann. Sólvallaskógurinn mun verða ríkulegur þáttur í bata mínum.
Bestu kveðjur til ykkar beggja frá Valdísi og Guðjóni
Yndislega fallegar myndir af nafna þínum. Vonandi gengur vel.
Sara, það gekk vel, takk fyrir og ég held að við erum grútmontin yfir myndunum. Skilaðu kveðju í Eyjuna í norðri.
Kveðja,
Guðjón